وڵات – جیهان
حزبەکەی سەرۆک وەزیرانی ئیسرائیل زۆرینەی کورسییەکانی پەرلەمانی وڵاتەکەی (کنێست)، لەدەست دەدات.
رۆژی سیشەممە 17-9-2019، هاووڵاتییانی ئیسرائیل چوونە سەر سندوقەکانی دەنگدان بۆ هەڵبژاردنی پەرلەمانی وڵاتەکەیان.
بەپێی ئامارە نافەرمییەکان، هەردوو پارتی لیکۆد بە سەرۆکایتیی بنیامین نەتانیاهۆی سەرۆک وەزیرانی ئێستا و پارتی شین و سپی بە سەرۆکایەتیی جەنەڕال بینی گانتس، توانیویانە لە نێوان 31-34 کورسیی کنێست، مسۆگەر بکەن.
کنێستی ئیسرائیل لە 120 ئەندام پێک دێت و کام لایەن زۆرینەی کورسییەکان بە دەست بهێنێت، سەرۆک وەزیرانی ئیسرائیل دیاری دەکات، بەڵام پێویستە رەزامەندیی 61 پەرلەمانتار، بەدەست بهێنێت.
