سەلیم هەمزە شوشكەیی ئەندامی پەرلەمانی عیراق دەڵێت، بەهۆی خۆپیشاندانەكانەوە سەرجەم گفتوگۆكانی نێوان هەرێمی كوردستان و بەغدا وەستێنراون و هەردوولا چاوەڕێی خولێكی نوێی دانوستانن.
سەلیم شوشكەیی ئەندامی فراكسیۆنی كۆمەڵی ئیسلامی لە پەرلەمانی عیراق لەلێدوانێكی رۆژنامەوانیدا وتی “بەهۆی ئەو خۆپیشاندانانەی پارێزگاكانی ناوەڕاست و باشوری عیراقی گرتوەتەوە، دانوستانەكانی نێوان بەغداو هەرێم لەئێستادا وەستێنراون”.
وتیشی “بارودۆخی سیاسیی عیراق پێویستی بەوەیە داواكاری خۆپیشاندەران جێبەجێ بكرێت و لە پەرلەمان هاریكاری بكرێت بۆ جێبەجێكردنی ئەو داواكاریانە”.
ئەو پەرلەمانتارە كوردە باسی لەوەشكرد، لەئێستادا بەغدا و هەرێم چاوەڕێی خولێكی دیكەی دانوستانەكانن بۆ رێككەوتن لەسەر پشكی هەرێمی كوردستان لە بودجە و وردەكاری موچەی فەرمانبەران.
