سەرۆکی پارتی کۆماری خەڵک کە گەورەترین پارتی ئۆپۆزسیۆنی تورکیایە رایگەیاند سیاسەتەکانی رەجەب تەیب ئەردۆغانی سەرۆکی تورکیا لەسوریا و رۆژهەڵاتی ناوەڕاست شکستخواردوبون.
بەپێی هەواڵێکى ئاژانسی سانای سوریی، کەمال کلچدارئۆغلۆ سەرۆکی پارتی کۆماری خەڵک کە گەورەترین پارتی ئۆپۆزسیۆنی تورکیایە رایگەیاند سیاسەتەکانی رەجەب تەیب ئەردۆغانی سەرۆکی تورکیا لەسوریا و رۆژهەڵاتی ناوەڕاست شکستخواردو بون.
لەلێدوانێکیدا بۆ رۆژنامەنوسان، کلچدارئۆغلۆ راشیگەیاندوە هەریەک لەئەردۆغان، نەتەوە یەکگرتوەکانی ئەمریکا و سعودیە و قەتەر بەناوی دیموکراسییەوە دەستێوەردانیان لەپرسی سوریادا کردوە و هاوکات پشتیوانی گروپە تیرۆرستییەکانیشیان کردوە کە بونەتە هۆکاری وێرانکردنی ئەو وڵاتە و هەزاران خێزانیش ماڵ و حاڵی خۆیان بەجێهێشتوە.
هەریەک لەئەردۆغان، نەتەوە یەکگرتوەکانی ئەمریکا و سعودیە و قەتەر بەناوی دیموکراسییەوە دەستێوەردانیان لەپرسی سوریادا کردوە
سەرۆکی پارتی ئۆپۆزسیۆنی تورکیا راشیگەیاند، ئەردۆغان پشتیوانی داعشی کردوە چونکە وەک رێکخراوێکی تیرۆرستی نەیناساند، تەنانەت دوای کردەوە تیرۆرستییەکانی ئەو رێکخراوە لەئیستانبول و ئەنقەرە کە گیانی سەدان هاوڵاتی تورکی کردە قوربانی.
جەختیشی کردوە، چارەىسەرکردنی کێشەکانی نێوان سوریا و تورکیا پێویستی بەهەماهەنگی راستەوخۆی هەردولا هەیە.
