پێش سەفەرەكەی موقتەدا سەدر بۆ ئێران، لە كۆبوونەوەیەكدا لە شاری نەجەف، سەدر و قاسم سولەیمانی، فەرماندەی سوپای قودسی ئێران ڕێككەوتوون لەسەر مانەوەی سەرۆك وەزیرانی عیراق لە پۆستەكەیدا.
ماڵپەڕی”الاخبار”ی لوبنانی ئاشكرای كردووە، بەپێی ڕێككەوتنەكە عەبدولمەهدی دەمێنێتەوە و سەدر و سولەیمانیش پشتیوانی دەكەن و بەرامبەر بەوە چاكسازی دەكرێت و یاسای هەڵبژاردن دەگۆڕدرێت.
بەپێی زانیارییەكانی ماڵپەڕەكە سەدر یەكێك لە یاریدەدەرەكانی خۆی سەرپشك كردووە بۆ گرتنەبەری ڕێوشوێنەكانی مانەوەی حكومەت و ڕێككەوتن لەگەڵ خۆپیشاندەراندا.
ماوەی 10 ڕۆژە خۆپیشاندانی فراوان بۆ لابردنی حكومەتی ئێستای عیراق و هەلی كار و خزمەتگوزاری بەرێوەدەچێت.
