شێرپەنجەی مەمك یەكێكە لەو نەخۆشیانەی كە ساڵانە چەندین ژن بەهۆیەوە گیان لە دەست دەدەن، بەپێی ئەنجامی توێژینەوەیەكی پزیشكیش گێزەر بە سودە بۆ نەخۆشیەكانی شێرپەنجە بە گشتی و شێرپەنجەی مەمك بە تایبەتی.
توێژینەوەكە لەزانكۆی هارفاردی ئەمریكا ئەنجامدراوە و لێكۆڵینەوەی لە ئەنجامی چەند توێژینەوەیكی پێشوو كردووە كەلەسەر 7 هەزار ژن ئەنجامدراوە كە بەشێكیان ئەگەری توشبونیان بە شێرپەنجەی نزیك بووە.
ئەنجامەكان دەریانخستووە كە ماددەی كارۆتینۆیدی پێكهاتەی گێزەر، یەكێكە لە ماددە سود بەخشەكان بۆ لەشی ژنان و ئەگەری توشبوونیان بە شێرپەنجەی مەمك كەمدەكاتەوە.
توێژەرەكان داوایان لە ژنان كردووە ڕۆژانە و بە بەردەوامی بڕێكی گێزەر بخۆن، باشتریشە خواردنە ئەو سەوزە بە چەند شیوازێكی جیاواز بێت، هەورەها پێویستە لەكاتی ئامادەكردنیدا گێزەرەكە زۆر ورد نەكرێت، بۆ ئەوەی زۆرینەی ماددە سودبەخشەكانی لەپێكهاتەكەیدا بمێنێتەوە.
