وەزیری دەرەوەی ئەمریکا رایگەیاند، ٣٦ هەزار بەڵگەنامەی پیشێلکاریی مافەکانی مرۆڤمان لە ئێران بەدەست گەیشتووە و پێشێلکارییەکان بەسەر ئێرانەوە ناچن و لێکۆڵینەوە لە یەکە بەیەکەی بەڵگەکان دەکەین.

ئەمڕۆ پێنج شەممە ٢٠١٩/١٢/١٩، مایک پۆمپیۆ وەزیری دەرەوەی ئەمریکا، لە کۆنفرانسێکی رۆژنامەنوسانییدا رایگەیاند، ٣٦ هەزار بەڵگەنامەی مافەکانی مرۆڤمان لە ئێرانەوە بەدەست گەیشتوون.

وتیشی: لە ئێران خۆپیشاندەران ئەشکەنجە دەدرێن و دەکوژرێن، کاتێک لە ئێران هاووڵاتیان ناڕەزایی دەردەبڕن دەستگیر دەکرێن و لە زیندانەکاندا ئەشکەنجە دەدرێن.

مایک پۆمپیۆ جەختیکردەوە: پێشێلکارییەکان بەسەر ئێرانەوە ناچن و لێکۆڵینەوە لە یەک بەیەکی بەڵگەکان دەکەین.

وەزیری دەرەوەی ئەمریکا راشیگەیاند: وەزارەتی گەنجینەی ئەمریکا سزای نوێ بەسەر ئێراندا دەسەپێنێت، سزاکانیش بەسەر دوو دادوەری دادگای شۆڕش لە تاراندا سەپێندراون؛ ئێران لەبری چارەسەریی کێشەی خەڵک، پارە دەدات بە میدیاکان.