كامەران عوسمان، ئەندامی تیمی كوردستانی عێراقی رێكخراوی (CPT)ی ئەمریكی، لە راگەیەندراوێكدا ئاشكرایكرد”لە سەرەتای ئەمساڵەوە تاوەکو مانگی 6ی 2024، سوپای تورکیا 833 هێرش و بۆردومانی بۆ سەر خاکی هەرێمی کوردستان ئەنجامداوە.”

بەپێی قسەی كامەران عوسمان هێرشەکان بەم شێوەیەی خوارەوە بون:

پارێزگای دهۆک: 365، هێرش و بۆردومان.

پارێزگای هەولێر: 356، هێرش و بۆردومان.

پارێزگای سلێمانی: 102، هێرش و بۆردومان.

پارێزگای نەینەوا: 10، هێرش و بۆردومان.

كامەران عوسمان ئەوەشی خستۆتەڕو”بەتەنیا لەماوەی دو ڕۆژی ڕابردودا، سوپای تورکیا 27 بۆردومانی بۆسەر زنجیرە چیای مەتینا و گەلی ڕەشاڤا لە قەزای ئامێدی، چیای ساوێن لە بناری قەندیل، لوتکەی کوڕاشەڵ و بناری چیای کێوەڕەش لە قەزای ڕانیە، چیای جاسوسان لە قەزای پشدەر، گوندی کانی میرانی کۆماری و نزارە لە قەزای پێنجوێن ئەنجامداوە.”

ئاماژەی بەوەشداوە”بەتەنیا لەم ساڵدا، 8 هاوڵاتی مەدەنی، بەهۆی بۆردومان و لەشکرکێشییەکانی سوپای تورکیا بۆ سەر خاکی هەرێم شەهیدبون.”