وەزارەتی دەرەوەی ئەڵمانیا بانگەوازی عەبدوڵڵا ئۆجەلان بۆ چەکدانان و هەڵوەشانەوەی پەکەکە بە “دەرفەتێکی مێژوویی” ناو دەبات. وەزارەتەکە دەڵێت ئەمە دەرفەتێکە بۆ کۆتاییهێنان بە ململانێی چەندین دەیەی نێوان تورکیا و پارتی کرێکارانی کوردستان.
گوتەبێژێکی وەزارەتەکە دەڵێت: “کۆتاییهێنان بە تووندوتیژی هەنگاوێکی سەرەتایی گرنگە، بەڵام پێویست بە هەنگاوی زیاتر دەکات. لە نێویاندا و لە سەرووی هەموویانەوە، رێزگرتن و دەستەبەرکردنی مافە کولتووری و دیموکراسییەکانی کورد لە تورکیا”.
هەروەها رایگەیاند: “وەک حکومەتی فیدراڵی، ئامادەین بۆ پشتیوانیکردنی پڕۆسەیەکی لەم شێوەیە، ئەوەی پێمان بکرێت بیکەین”.
