سامان سیوەیلی، وتەبێژی وەزارەتی پەروەردەی هەرێمی کوردستان، ئەمڕۆ پێنجشەممە، بە میدیای پارتی وتوە، تا ئێستا حەوت هەزار و 500 مامۆستا لە هەرێمی کوردستان خانەشین بون و تا کۆتایی ئەمساڵ ژمارەکە دەگاتە 11 هەزار مامۆستا.
سامان سیوەیلی وتوشیەتی: پەروەردەی شارۆچکەکان میلاکی مامۆستایانیان رێکخستوەتەوە، بەهۆی خانەنشینبونی مامۆستایان هیچ گرفتێکی کەمی میلاک دروست نابێت، لە ئەگەری دروستبونی بۆشاییشیدا نوسراوی فەرمی ئاراستەی ئەنجومەنی وەزیران دەکەین، بۆ ئەوەی گرفتی کەمی مامۆستامان بۆ چارەبکات.
وتەبێژی وەزارەتی پەروەردە ئاماژەی بەوەش کرد، تا ئێستا وادەی دەستپێکردنی وەرزی نوێی خوێندن دیارینەکراوە، لە کۆتایی مانگی هەشت لە کۆبونەوەی ئەنجومەنی وەزارەت ساڵنامەی خوێندن پەسند دەکرێت و بڕیاری دەستپێکی دەوام لە قوتابخانەکان دەدرێت و دەستبەکاربونی مامۆستایان دیاریدەکرێت.
