بەپێی ڕاپۆرتێکی ڕۆژنامەی “فاینانشیاڵ تایمز”، ویلایەتە یەکگرتووەکانی ئەمریکا و شانشینی سعودیە گەیشتوونەتە قۆناغێکی پێشکەوتووی گفتوگۆکان سەبارەت بە ڕێککەوتنێکی بەرگریی نوێ.
ناوەڕۆکی ڕێککەوتنەکە ئەوەیە کە هەر هێرشێک بکرێتە سەر خاکی سعودیە، بە هەڕەشە بۆ سەر ئاسایشی نیشتمانیی ئەمریکا هەژمار دەکرێت.
ڕاپۆرتەکە ئاماژە بەوەش دەکات کە پێدەچێت مانگی داهاتوو لە میانی سەردانی محەمەد بن سەلمان بۆ واشنتۆن، ڕێککەوتنەکە لەلایەن دۆناڵد ترەمپەوە ڕابگەیەنرێت.
