شاڵاو كۆسرەت رەسوڵ لەبارەی بەڕێوەچوونی هەڵبژاردنی پەرلەمانی كوردستان رایگەیاند، لە بڕیاری دوایین كۆبوونەوەی سەركردایەتی یەكێتی بەڕوونی وتوومانە كە هەڵبژاردن لەكاتی خۆیدا بكرێت.
وتیشی، وەك یەكێتیی نیشتمانیی كوردستان ئامادەكاری خۆمان دەكەین و لیستی ناوی كاندیدەكانمان پێشكەش كردووە.
سەبارەت بە ئەگەری گەڕاندنەوەی کورسی کۆتاکان وتی، سەبارەت بە ئەگەری گەڕاندنەوەی كورسی كۆتاكان، دادگای فیدراڵی بڕیاری لەسەر دەدات، دادگاكەش بەدەست من و هیچ كەسێكی دیكە نییە، خۆیان بڕیاری خۆیان دەدەن.
لەبارەی کارەکانی کۆمسیۆنەوە ڕایگەیاند، كارەكانی كۆمسیۆنی باڵای سەربەخۆی هەڵبژاردنەكانی عیراق لەبارەی ئەنجامدانی هەڵبژاردنی پەرلەمانی كوردستان، رۆژ بە رۆژ بەرەو پێشەوە دەڕوات.
