پارێزگاى هەولێر بڵاوى کردەوە، لەمڕۆوە سواڵکەر و فاڵگرەوە و ئەوانەى لە بەردەم پیشانگاى فرۆشتنى ئۆتۆمبێل کاردەکەن و لە ترافیكەکان کەل و پەل دەفرۆشن دەستگیر دەکرێن، دەشڵێن، لەپاش دەستگیرکردنیان ڕێکارى یاسایی بەرامبەر ئەو کەسانە دەگیرێتەبەر.
پارێزگاى هەولێر لەبارەى دەستگیرکردنى سواڵکەر و فاڵگرەوە و ئەوانەى لە بەردەم پیشانگاى فرۆشتنى ئۆتۆمبێل کاردەکەن و لە ترافیكەکان کەل و پەل دەفرۆشن ڕاگەیەندراوێکى بڵاوکردەوە.
لە ڕاگەیەندراوەکەدا هاتووە، لەمڕۆوە سواڵکەر و فاڵگرەوە و ئەوانەى لە بەردەم پیشانگاى فرۆشتنى ئۆتۆمبێل کاردەکەن و لە ترافیكەکان کەل و پەل دەفرۆشن دەستگیر دەکرێن.
ئاماژە بەوەشکراوە، ئەو بڕیارە لە سەر داواکارى و گلەیی و گازاندەى هاوڵاتیان و لە پێناو نەهێڵانى دیارەدەى ناشارستانى و لە چوارچێوەی هەڵمەتی ڕێگەگرتن لە ڕوونەدانى ڕووداوى نەخوازرا و دوور لە ئادابى گشتیى دەرکراوە.
لە کۆتایدا هاتووە، لەپاش دەستگیرکردنیان ڕێکارى یاسایی بەرامبەر ئەو کەسانە دەگیرێتەبەر.
