عەلی تورکی، ئەندامی پەرلەمانی عێراق، لە لێدوانێکی ئاشکرای کرد کە بارەگای سەرکردایەتی پارتی سۆسیالیستی بەعسی عەرەبی عێراقی لە شاری هەولێرە. هەروەها باسی لەوەکرد کە پارتی دیموکراتی کوردستان ڕێگری لە دەستگیرکردنی ئەندامانی ئەم حیزبە دەکات.
ئەم زانیاریانە، نیگەرانی زۆری لە نێو چاودێران و خەڵکی کوردستان دروست کردووە، بە تایبەتی لەبەر مێژووی ڕەشی حیزبی بەعس لە عێراق و کوردستان. حیزبی بەعس لە ماوەی دەسەڵاتی خۆیدا بەرپرسیار بوو لە چەندین تاوانی دژی مرۆڤایەتی بەرامبەر بە گەلی کورد، لەوانە:
- ئەنفال: کۆمەڵکوژی بە فراوانی گەلی کورد لە ساڵانی 1986-1989، کە تێیدا لەنێوان ٥٠٬٠٠٠ بۆ ١٨٢٬٠٠٠ کورد شەهید کران یان بێسەروشوێن کران.
- کیمیابارانی هەڵەبجە: لە 16ی ئازاری 1988، کە تێیدا نزیکەی 5,000 هاووڵاتی کورد بە چەکی کیمیایی شەهید کران.
- ڕاگواستنی بە زۆرەملێی سەدان هەزار کورد لە ناوچە کوردییەکان و نیشتەجێکردنی عەرەب لە شوێنیان.
- وێرانکردنی هەزاران گوندی کوردی و لەناوبردنی ژێرخانی ئابووری کوردستان.
- سەرکوتکردنی بەردەوامی مافە کولتووری و سیاسییەکانی گەلی کورد.
لەبەر ئەم مێژووە خوێناوییە، بوونی بارەگای سەرکردایەتی حیزبی بەعس لە هەولێر و پاراستنی ئەندامەکانی لەلایەن پارتیەوە، دەبێتە جێی نیگەرانی و پرسیار.
