بافڵ جەلال تاڵەبانی سەرۆكی یەكێتیی نیشتمانیی كوردستان لەگەڵ مەسعود بارزانی، سەرۆكی پارتی دیموكراتی كوردستان كۆبووەوە و پێكهێنانی كابنەی نوێی حكومەتی هەرێم تەوەرێكی كۆبوونەوەكە بوو.
ئەمڕۆ شەممە 27-9-2025، لە سەڵاحەدین، مەسعود بارزانین سەرۆكی پارتی دیموكراتی كوردستان، پێشوازی لە بافڵ جەلال تاڵەبانی، سەرۆكی یەكێتیی نیشتمانیی كوردستان كرد.
بەگوێرەی راگەیەندراوێكی نوسینگەی بافڵ جەلال تاڵەبانی، لە دیدارەكەدا بارودۆخی سیاسیی عیراق و ناوچەكە و پرۆسەی سیاسیی هەرێمی كوردستان و پێكهێنانی حكومەتی تازەی هەرێم تاوتوێ كرا.
