وەفدی ئیمراڵیی پارتی یەکسانی و دیموکراسیی گەلان (دەم پارتی) بڕیارە رۆژی ٣ی مانگ بەمەبەستی ئەنجامدانی دیدارێک لەگەڵ عەبدوڵڵا ئۆجەلان، سەردانی دورگەی ئیمراڵی بکات.
بەپێی راگەیەندراوێکی نووسینگەی راگەیاندنی دەم پارتی، وەفدەکە پێکهاتووە لە پەروین بوڵدان، میتحەت سانجار و فایق ئۆزگور ئەرۆل.
ئەم سەردانە لە چوارچێوەی هەوڵەکان بۆ چارەسەرکردنی پرسی کورد و پرۆسەی ئاشتیدا دێت، کە ماوەیەکە دەستیپێکردووەتەوە و چاوەڕوان دەکرێت لەم دیدارەدا پەیامی گرنگ لەلایەن ئۆجەلانەوە ئاڕاستەی شاندەکە بکرێت.
