بەرهەم ساڵح سەرۆک کۆماری عێراق وتارێکی پێشکەشی گەلی عێراق کرد و تێیدا ئاماژەی بەوەکرد، چارەسەری کێشەکانی عێراق بەشداربونی هەموانە لەرووبەروبونەوەی گەندەڵیدا.
سەرۆک کۆماری عێراق ئاماژەی بەوەشکرد، هێزە ئەمنییەکان و خۆپیشاندەران لەیەک بەرە بوون و پێویستە رێز لە داواکاری خۆپیشاندەران بگیرێت.
بەرهەم ساڵح وتیشی، توندوتیژی و سەرکوتکردن رەتدەکەینەوە و پێویستە چەک تەنها لەدەستی دەوڵەتدا بێت.
راشیگەیاند، عادل عەبدولمەهدی، سەرۆک وەزیرانی عیراق ئامادەیی پیشانداوە دەست لەکاربکێشێتەوە.
بەرهەم ساڵح چەند گۆڕانکارییەکی خستەڕوو کە بریتین له”
-هه‌مواركردنی پێویستی ده‌ستوور.
-هه‌مواركردنی یاسای هه‌ڵبژاردن.
-ئه‌نجامدانی هه‌ڵبژاردنی پێشوه‌خته.
-چاكسازی به‌په‌له كه ژیانی خه‌ڵك بگۆڕێت.
-پارێزگاریكردن له خۆپیشانده‌ران.
بەگوێرەی هەواڵێكی سایتی (المسلە) بڵاویكرده‌وه، له كۆبوونه‌وه‌كه‌دا، سه‌رۆكی كوتله سیاسییه‌كان له‌گه‌ڵ سه‌رۆك كۆمار، گه‌یشتوونه‌ته رێككه‌وتن له باره‌ی چه‌ند خاڵێك.
ئاماژەی بەوەشداوە، 10 كه‌سایه‌تی دیاری عێراق به‌شدار بوونه له كۆبوونه‌وه‌كه، له‌وانه هادی عامری، محه‌مه‌د حه‌لبووسی، فالح فه‌یاز، نوری مالكی، ره‌شید عه‌زاوی. چەندین کەسایەتى تر
به‌رهه‌م ساڵح راشیگه‌یاند، له هه‌فته‌ی داهاتووه‌وه له‌گه‌ڵ سێ سه‌رۆكایه‌تیه‌كه‌ی عیراق و كه‌سانی شاره‌زاو نوێنه‌ری نه‌وته‌وه‌یه‌كگرتووه‌كان به‌پێی ده‌ستور كار له‌سه‌ر ئاماده‌كردنی یاسایه‌كی نوێ هه‌ڵبژاردن ده‌كرێت تاوه‌كو ده‌رفه‌ت بدریته گه‌نجان خۆیان كاندید بكه‌ن و هه‌وره‌ها كۆمسیۆنێكی نوێی هه‌ڵبژاردن به‌دوور له پشكی حزبی هه‌ڵبژێردرێت و ئاماده‌كاریش بكرێت بۆ هه‌ڵبژاردنی پێشوه‌خت. ئه‌وه‌شی وت: “وه‌ك سه‌رۆك كۆمار به زوترین كات به‌پێ ى ده‌ستور ره‌زامه‌ندی ده‌رده‌بڕم بۆ هه‌ڵبژاردنی پێشوه‌خت و عادل عه‌بدولمه‌هدی سه‌رۆك وه‌زیرانی عیراقیش ئاماده‌یی خۆی ده‌ربڕیووه بۆ ده‌ستله‌كاركێشانه‌وه‌و داوای له كوتله سیاسیه‌كان كردووه كاندیدێك بۆ پۆسته‌كه دیاری بكه‌ن تاوه‌كو بۆشایی له عیراق دروست نه‌بێت
