لاهور شێخ جەنگیی رایگەیاند، لەگەڵ ئەو هەڤاڵانەی نەهاتونەتە كۆنگرە دەست دەخەنە ناو دەستی یەك بۆ سەرخستنی یەكێتی، راستە ناڕەزاییش هەیە ،نەیارەکانیانیشمان دەیانەوێت ئەو ناکۆکیانە زیاتر بکەن.

ئەمڕۆ دوو شەممە ٢٠١٩/١٢/١٦، ئەنجومەنی ناوەندیی یەکێتی نیشتمانی کوردستان لە راگەیەندراوێكیدا بڵاکردەوە تێیدا لاهور شێخ جەنگی، بەرپرسی ئاژانسی پاراستن و زانیاریی/ زانیاریی رایگەیاندوە”چەند رۆژێكی گرنگمان لە پێشە تا بەستنی كۆنگرەی چوارەمی یەكێتی و پێویستە لەو ماوەیەدا خۆمان ئامادە بكەین، چونكە ئەركە قورسەکە دوای كۆنگرە دەستپێدەكات”.

جەختى لەوەشکردۆتەوە” لەگەڵ ئەو هەڤاڵانەى نەشهاتونەتە كۆنگرە دەست دەخەینە ناو دەستی یەك بۆ سەرخستنی یەكێتی و ئەو بەرنامەیەی لە كۆنگرەی چوارەم بڕیاری لێدەدرێت”.

لاهور شێخ جەنگیی ئەوەشى ڕاگەیاندووە “راستە هەندێک ناڕەزایەتی هەیە لە ناو حزبەکەدا و بەشێک لە نەیارەکانمان دەیانەوێت ئەو ناکۆکییە زیاتر بکەن، بەڵام دەبێت ئێمە بە هەموومان هەوڵبدەین ئەو ناڕەزایەتییە نەهێڵێن.”