سێ سەرۆکایەتییەکەی عێراق؛ئەرکی ھــێزە ئەمنییەکانە پارێزگاری لە سەقامگیری وڵات بکەن
سێ سەرۆکایەتییەکەی عێراق راگەیەنراوێکیان لە بارەی کۆبونەوەکەی ئەمڕۆ بڵاوکردەوە
سێ سەرۆکایەتییەکە: پێویستە ھەموو ھەنگاوێک بۆ دەسپێکردنەوەی گقتوگۆکان بگیرێتەبەر و دەبێت ھەموو لایەنەکان رێگری لە پەرەسەندنی دۆخی ئێستا بگرن و ئەنجامدانی دیالۆگی نیشتمانی تاکە رێگەیە بۆ چارەسەرکردنی قەیرانەکان.
هەروەها سێ سەرۆکایەتییەکەی عێڕاق ئاماژەیان بەوەکردووە بەردەوامبوونی دۆخی ناھەمواری سیاسی کاریگەری خراپ دەکاتە سەر ھەوڵە نیشتمانییەکان و پێویستە ھەنگاوی چارەنوسساز بۆ چارەسەرکردنی ئەو قەیرانەی ئێستا ھەیە بگیرێتەبەر.
هەروەها ئەوەشیان راگەیاندووە خۆپیشاندانی ئاشتیانە و دەربڕینی بیروڕا مافێکی دەستووری پارێزراوە و پێویستە خۆپیشاندەران پابەندی یاسابن و موڵکی گشتی بپارێزن و دەبێت مامەڵەکردن لەگەڵ داواکارییەکان لەچوارچێوەی یاسا و دەستوور بێت.
ئەرکی ھێزە ئەمنییەکانە پارێزگاری لە سەقامگیری وڵات بکەن.
