وڵات_میدیا #کوردستان
قورتان بەسەر ئەرزو ئاسمان لەکێ دادەخەن
تیمی پارتی لەکابینەی نۆی حکومەتی هەرێم، جگە لەوەی خۆی بووە بەکێشەو لەمپەر لەبەردەم حوکم و حکومڕانێتییەکی رەشید، بۆ گەمارۆدانی یەکێتیی و سلێمانی و هەڵەبجەو ئیدارەکانی گەرمیان و ڕاپەڕین ئەوەی بەخۆی نەکرا لەڕێگەی تورکیاوە بەیەکێتیی و ناوچەکەی دەکات.
ئەم حەقیقەتە تاڵە نوێ نییەو مێژوویەکی هەیە ڕەش ( ئەگەر پێماننەکرا تێکیدەدەین ) دروشم و شیعارە بەناوبانگەکەی خۆیانە، هەروایان هێناوەو هەرواش دەبن و دەمێننەوە، ئەم کوردە ئەم میللەتە مەزڵومە، ئەم هەرێمی کوردستان و کوردستانە مەزنە کاتێک بێ کێشەو سەرئێشەو ڕزگاری دەبێ ئەم عەقڵییەتە مەحەلی نەمابێ لەئیعرابی دەسەڵات و حکومڕانیدا.
تورکیا لەسەر داوای پارتی و تیمەکەی لەحکومەت گەشتەکانی فرۆکەخانەی سلێمانی هەڵپەساردوە، لەسەر داوای ئەوان ئاسمانی وڵاتەکەی بەسەر یەکێتیی و ناوچەکەدا داخستووە، ئەوە پارتی و تیمەکەیەتی دەست و مستی تورکیای کردوەتەوەو بە بەیاننامە رەوایەتی بەو دژو دوژمنکارییەی تورکیا ئەدا، وەک تورکیاش لەسەر کورد بوون و کوردایەتی کردنەکەی لۆمەی یەکێتیی و سەرۆک بافڵ دەکات.
ئەم دژو دوژمنایەتی کردنەی یەکێتیی و سلێمانی لەسەر کورد بوون و کوردایەتییە ڕەسەنەکەی، جگە لەفراوانکردنی بەرەی خیانەت شتێکی تر سەوز ناکات، سەرئەنجامیش جگە لەشەرمەزاری هیچی تریان بۆ ناهێڵێتەوە، مێژوو لینگی درێژن بەڵام بێ باج ناتوانن لێی بپەڕنەوە.
ئه‌م کردەوەو کاردانەوانەی پارتی و تیمەکەی لەحکومەت، بنبەڕەی پارتی و تیمەکەی بۆ كۆمه‌ڵانی خه‌ڵكی كوردستان هێنایە دەر، ئێستا هەر کەس دەزانێ کارو ئەرکیان دژو دوژمنایەتی کوردو کوردستانە، خوشک و برا كورده‌كانمان له‌رۆژ ئاواو هەموو پارچەکانی تر ڕوون لەم راستیە تێدەگەن، قورتان بەسەر ئەرزو ئاسمان لەکێ دادەخەن، کورد خۆی و خودای هەیە، ئێوە کێن!!
- تەلەگرامی وڵات بکە بەسەرچاوە بۆ ئاگاداربوون لەخێراترین و گەرمترین ڕووداوەکانى کوردستان وعێراق
https://t.me/WLLATMED
