وڵات_میدیا #کوردستان
وەزارەتی دارایی عێراق بڕیاریدا تا کۆتایی ئەمساڵ فەرمانبەرانی بەشێ ژمێریاری دەبێت دەوام بکەن تەنانەت لە ڕۆژانی هەینی و شەممەش دا.
ئەمڕۆ سێشەممە، وەزیری دارایی تەیف سامی، بە فەرمانێک فەرمانبەرانی بەشی ژمێریاری ئاگادار کردەوە، پشووی ڕۆژانی هەینی و شەممە تا کۆتایی ئەمساڵ نامێنێت و دەبێت لەو ڕۆژانەشدا دەوام بکەن.
وەزارەتەکە لە ڕاگەیەندراوێکدا ڕایگەیاندووە، “بە ئامانجی خێراکردنی تەواوکردنی ڕێکارەکانی دارایی و نزیکبوونەوەی کۆتایی ساڵی دارایی، وەزیری دارایی، تەیف سامی، فەرمانێکی ئاڕاستەی بەشی ژمێریاری کرد بۆ بەردەوامبوون لە کارە فەرمییەکانی تەنانەت ڕۆژانی هەینی و شەممەش دەبێت بێنەوە تا کۆتایی ئەم ساڵ”.
پێشتر وەزیری دارایی عێراق تەیف سامی ڕایگەیاندبوو، بۆ تەواوکردنی ڕێکارە ئیداری و ژمێریارەییەکان کاتێکی زۆرمان پێویستە، و دەبێت بەبێ وەرگرتنی مۆڵەت و پشوو بەردەوامبین، تاوەکو بتوانین تاکۆتایی ئەم ساڵ پاکتاوی دارایی و ژمێریاری بکەین.
- تەلەگرامی وڵات بکە بەسەرچاوە بۆ ئاگاداربوون لەخێراترین و گەرمترین ڕووداوەکانى کوردستان وعێراق
https://t.me/WLLATMED
